د وزن پورته کول څنګه بدن او دماغ روغ ساتي؟

د وزن پورته کول ښايي ستاسو ذهن ته هغه ورزشکاران راولي، چې غټې مټې او عضلات لري، هغوی چې په ورزشي کلپونو کې د لوړې موسیقۍ په اورېدلو سره خولې تویوي.

خو داسې هم نه ده، تاسو هم کولای شئ هر ورځ په خپل کور کې په اسانۍ سره له خپل توان سره سم، کوچني وزنونه پورته کړئ، چې ډېرې ګټې لري.

د وزن پورته کولو په وسیلې د تمرین ګټې پرته له دې چې د عضلاتو غټ والی او اندام جوړول پکې په پام کې ونیول شي، ډېرې نورې اغېزې هم لري.

دا تمرینونه له موږ سره مرسته کوي چې سالم زړه ولرو او زموږ د بدن معافیت سیستم ښه کار وکړي، دا زموږ ذهني ځواک ته وده ورکوي چې په څټه روغ او اوږد ژوند ولرو.

د عضلاتو پیاوړتیا نه یوازې په ظاهري بڼې پورې محدوده ده، بلکې د بدن داخلي روغتیا ته هم ګټه لري. د وزن پورته کول نه یوازې د ملا نري کولو لپاره ګټور دي، بلکې د بدن میټابولیزم ښه کولو او انسولین ته د بدن حساسیت ډېرولو لپاره هم ګټور دي. په دې مانا چې تر هر وخت خوارک وروسته، د وینې د شکرې کچه په اسانۍ سره عادي حالت ته راستنېږي.