کرېکټ نړيوال جام: افغانستان پاکستان ته تاريخي ماته ورکړه

پاکستان لپاره لوبډلمشر بابر اعظم ۷۴، عبدالله شفيق ۵۸، شاداب خان۴۰ او افتخار احمد ۴۰ چټکې منډې وکړې.

د افغانستان لپاره ابراهیم ځدراڼ تر ټولو ډېر (۸۷) منډې وکړې. د ده تر څنګ رحمت شاه ۷۷ منډې او لوبډلمشر ۴۸ ناسوځېدلې منډې وکړې.

په دې بریا سره افغانستان د لومړي ځل لپاره پاکستان ته په یو ورځنیو نړیوالو لوبو کې ماتې ورکړه.

د افغانستان او پاکستان ترمنځ لومړۍ یو ورځنۍ نړیواله لوبه د ۲۰۱۲ کال په فبرورۍ کې په متحده عربي اماراتو کې ترسره شوه، چې پاکستان وګټله. له دې وروسته د دواړو هېوادونو ترمنځ شپږ نورې یو ورځنۍ لوبې وشوې، چې ټولې پاکستان وګټلې خو په شل اوریزو سیالیو کې یې دوه ځله له پاکستان سيالي ګټلې ده.